Elisha Chuma : Kujiamini

Je wewe unajiamini,unatambua faida  za kujiamini na hasara za kutokujiamini hebu pitia somo hili ujione uko sehemu gani.

Kujiamini naweza kusema ni uwezo wa kuwa na uthubutu juu ya mambo pasipo kuwa na hofu wala uoga bila kutegemea msukumo kutoka nje.

Kujiamini sio kitu cha kufanyiwa na mtu mwingine ila ni maamuzi binafsi ambayo yana hatua zake ukitaka kuyafikia ili ufikie hatua ya kujiamini vitu vinavyochangia ama vinavyoweka chachu na hamasa ya wewe kujiamini ni pamoja na 
   1. Kujitambua
   2. Maamuzi binafsi
   3. Imani yako
   4. Uelewa
   5. Makuzi na
  6. Mazingira 
Hivyo ndio vitu ambavyo unapofikiria kujiamini vinakupa chachu na hamasa wewe kufanya jambo bila msukumo wa nje bali msukumo wa ndani yako mwenyewe.

Vitu vinavyoweza kukusaidia kujiamini katika maisha yako.
1. Jifunze kujithamini ( usijione huna thamani hata siku moja)
2. Jisamehe na kuwa mkweli kwa nafsi yako mwenyewe
3. Jilinde na pambana na hofu yako (Kisaikolojia)
4. Fanya vitu unavyoviogopa ( visivyo na madhara ya muda mrefu)
5. Kubali kushindwa na kujifunza
6. Jisimamie (kimawazo,kiimani na kimatendo bila ujeuri)
7. Jipongeze
8. Jifunze kushughulika na  hisia zako (furaha,huzuni,hasira...n.k)

Ukiwa na dalili hizi tambua kiwango chako cha kujiamini kiko chini
1. Kugusika kirahisi kihisia
2. kuwategemea watu wengine kuthibitisha
3. kujilinganisha  katika kufanya mambo au thamani
4. Kujishusha ama kujipandisha thamani kuliko wengine
5. Kuwafurahisha wengine kwa gharama/hasara zako 
6. Kukimbia majukumu na kutupa lawama
7. kutumia nguvu nyingi kuilinda hadhi ya uongo
8. Kuogopa sana kukosolewa  na kupenda kukosoa
9. Aibu za ziada kushindwa kutazama watu usoni
10. kutawaliwa na majuto ya jana na hofu za kesho

Hasara za kutokujiamini
1. kukosa usalama kuhusu wewe na kukosa imani dhidi yako mwenyewe (Hujiamini)
2. Kushindwa kuwa wazi na kushindwa kuwaamini wengine
3. Kushindwa kufanya maamuzi 
4. Kukosa amani na utulivu (wasiwasi)
5. Ugumu wa mahusiano na wengine
6. Kushindwa kudhibiti mihemko na hisia
7. Kuogopa kukataliwa na kutojaliwa hivyo unakuwa mtumwa wa mtu/watu
8. Kutokuwa na kiasi cha ya ndani
9. Kujifungia kwenye tabia kwa njia ya usugu (pombe etc...)
10. kuwa na wivu mkali muda wote
11. Kuikosa furaha na kuhisi kutojitosha
12. Kukimbia uhalisia  ili kukandamiza
13. Maisha ya kufake huku unahitaji msaada
14. Kushuka utendaji kazi kazini

Katika maisha unatakiwa kujiamini kwa kila hali,ili ufanikishe malengo yako ni lazima ujiamini,ndoto nyingi zimefeli sababu ya kutokujiamini na malengo mengi hayafikiwi sababu ya kutokujiamini unavitu vingi mkononi mwako lakini hujiamini navyo unafursa nyingi mbele yako huzioni sababu hujiamini,unawazo bora ndani yako hulifanyi sababu hujiamini. Badilisha mtazamo wako anza kuwaza chanya na chanya itakujia.

Hili pia lianzie kwa wazazi mfundishe mwanao kujiamini tangu akiwa mdogo ili makuzi yake yampe uthubutu mapema usimfanye awe ni wa kuogopa na kukuogopa kila siku saikolojia yake unaiharibu kwa maisha ya baadae,samaki tumkunje angali mbichi mtoto wa leo ni kijana wa kesho bila kumpa msingi imara hataweza kuwa na uthubutu kwa yeye mwenyewe lakini pia hata kwa vitu vinavyomzunguka.

Jiamini maisha ni wewe na wewe ni maisha changamoto ni ukuaji zipokee zikubali jifunze,jiamini ulipoanguka hujafa amka unaweza kutembea tena na tena.

Elisha Chuma
Mwalimu/Mshauri 
+255 745 108010
www.elishachuma.blogspot.com

Comments

Post a Comment

Popular posts from this blog

Baadhi ya vitu vinavyosababisha biashara nyingi kufungwa.

Image
Leo nimepata nafasi ya kuandika waraka huu kwa ajili ya kuwakumbusha kidogo wafanyabiashara wenzangu na wajasiriamali wenzangu kuhusu dhana moja ya muhimu sana iliyopo katikati ya mauzo na kujitangaza. Biashara nyingi sana sijajua kama ni kwa sababu ya kutokujua misingi ya biashara ama kutokuwa na uelewa wa kutosha na biashara zinafanya mambo kinyume na vile ambavyo inatakiwa na kujikuta zinatumia gharama kubwa kutengeneza mauzo kuliko ambavyo ingapaswa kuwa. Mara zote huwa nikipita na nikiwa kwenye semina huwa nawakaumbusha wafanyabiashara wenzangu na wajasiriamali kwamba siku zote usiwekeze kwenye kutafuta mauzo tu, kumbuka na kulijenga jina ama picha ya biashara, kuna faida nyingi sana za kujenga jina /picha katika kichwa cha mteja wako,lakini biashara nyingi hazifikirii sana kuhusu hilo bali wanawaza kuongeza mauzo tu. Siku zote mauzo ni mazuri lakini mauzo bila ya kuwa na jina ni gharama,nimeshakutana na wateja wengi sana wenye kutumia kauli hii " Mimi ninabi
Fuatilia >>

Umuhimu na maana ya Logo( Nembo) katika biashara yako.

Image
Logo ni alama au nembo iliyodizainiwa mahsusi kwa ajili ya biashara yako, inayotumika kukutambulisha nje na ndani ya ofisi. Au  Logo ni alama au nembo inayotumika kutambulisha huduma,bidhaa,kampuni au mfumo wowote wa vikundi. Logo au nembo inamaanisha vitu vingi kuhusu biashara yako kulingana na muonekano wake , biashara nyingi sana utambulisho wake hupatikana kwanza kwenye logo,matangazo  mengi hulenga watu kukumbuka lengo na logo ya biashara. Logo ndio kitu ambacho mtu hufikiria anaposikia jina la kampuni au biashara yako. Mfano: Unaposikia jina Cocacola, Azam,TBS,Vodacom,Legacy,Pepsi, kitu cha kwanza kitakachokuja kwenye kichwa chako ni logo ya kampuni kisha ma tangazo uliyokwisha kuyasikia au kuyaona kuhusiana na huduma au bidhaa zao huanza kujirudia kichwani.hivyo                           Hivyo logo ni ya muhimu sana kwa maendeleo au mafanikio ya biashara yako.Chini hapa ni baadhi ya mambo ambayo Logo huwakilisha kwa wakati mmoja pindi inapoonekana. 1.Humpa mt
Fuatilia >>

Aina za malengo na mipango

Image
Aina za Malengo na mipango Katika maisha ya kila siku kila mtu hutengeneza malengo na mipango ya kufikia kilele fulani,lakini kutokana na kutokuwa na aina kamili ama sahihi za malengo na mipango watu wengi hujikuta malengo na mipango yao inafeli kwa sababu hujiandaa kwa vitu vichache kuliko uhalisia wenyewe. asilimia kubwa ya watu hutengeneza mipango bila malengo na matokeo yake ile mipango hufeli sababu hakuna malengo kamili,katika maisha ya kila siku kuna mipango ya aina 2 (mbili) na katika malengo kuna malengo ya aina 7 (saba). hivyo unapofikiria kutengeneza mipango na malengo yako ili ukue na kufikia kile unachokihitaji ni lazima malengo yote yakamilike ndio mipango itafanikiwa kwa ufasaha. Aina za Mipango - hizi sio aina ngeni kabisa kwa watu japo wengi hawajui kuzitumia na kuitofautisha,kuna mipango aina 2,mipango ya muda mrefu na mipango ya muda mfupi,ili ufanikiwe unatakiwa kuwa na mipango ya muda mrefu ambayo itakuwa ndio imebeba lengo kuu kwa vile safari ya ku
Fuatilia >>