Jinsi ya kutengeneza mpango biashara ( Business plan)

Katika dunia ya sasa utengenezaji wa  mpango wa biashara umekuwa ni lazima na kwa biashara yoyote unayoifanya bila kuitengenezea mipango haiwezi kufanikiwa, leo nimeamua kuanza na baadhi ya mambo ambayo unatakiwa kuyafahamu unapotaka kutengeneza mpango wa biashara .

Hapa chini vifuatavyo ni vitu muhimu unavyotakiwa kuvizingatia katika utengenezaji wa mpango biashara wako, andika kwa umakini kiini cha wazo lako la biashara na lijumuishe  vitu kama.

1/ Jina

2/ Aina ya biashara

3/ Historia ya biashara na maendeleo  yake

4/ Huduma /bidhaa

5/  Tathmini  ya Soko

6/ Ushindani

7/ Masoko

8./Ufanyaji kazi

9/ Usimamizi na utawala

10/ Uwezo wa wafanyakazi

11/Matatizo na utatuzi

12/ Maelezo ya kifedha

Jina na aina ya biashara

Kipengele cha kwanza na cha pili ni kama vinashabihiana kwanza ni inatakiwa uandike jina la biashara unayotegemea kufanya ( hapa sio aina ya biashara) ni jina linalokutambulisha wewe katika biashara , Pia hapa napo kuna tatizo majina ya biashara pia ni ishu haitakiwi kujichagulia tu ilimradi jina lako unaitwa Musa basi jina la biashara litakuwa Musa Genereal Enterprises uchaguzi wa jina la biashara nao unanafasi yake katika kuvuta wateja kwenye biashara yako. Ukimaliza hapo unaainisha  sasa na aina ya biashara unayofanya je? Ni kutoa huduma au bidhaa kwa maelezo ya kujitosheleza.

Historia ya Biashara na maendeleo yake.

Sababu ya kuelezea hii ni kuangalia utungaji na nafasi yako katika soko pia maendeleo ya hiyo biashara, hapa unatakiwa utoe maelezo ya Taarifa za kuanzisha,uzoefu na uwezo wa mmiliki, Eneo, Matatizo na utatuzi wa matatizo yanayoendelea, uwekezaji wake, Mipango na  Malengo ya baadae, Taarifa na muonekano wa soko, Washindani wakubwa na  faida ya Bidhaa /huduma yako.

Huduma au bidhaa

Unatakiwa kueleza au kutoa maana ya bidhaa au huduma ambazo zinavutia kwa biashara yako.kwa kuzingatia maelezo ya utofauti wako,uwiano wa soko,Hatua ya uboreshaji wa huduma/bidhaa, uzalishaji, vitendea kazi( wafanyakazi na rasilimali ), fedha inayohitajika, Mzunguko wa uhai wa huduma/biashara na ukuaji wa baade.

Tathmini ya Soko.

Kuangalia bidhaa/ huduma na uhusiano wake na mtumiaji, vitu unavyotakiwa kuvielezea  ni  Soko unalolikusudia, watumiaji wake tabia zao,vitu vinavyotakiwa kwa huduma /bidhaa yako, majibu ya mtumiaji baada ya kutumia,sababu za kimasoko na msimamo wake, upenyo katika soko, Kuchangia soko,utafiti na kusoma,gharama na mpango wa mauzo.

Ushindani

Unatakiwa uanishe na kuelezea washindani wako na wewe mwenyewe ili mbinu zako ziwe imara baadi ya maelezo unayotakiwa uyatoe kwenye mpango biashara wako ni pamoja na Kujua washindani wako,taarifa za washindani, uwiano wa bidhaa /huduma, uwezo na udhaifu wa bidhaa /huduma, maendeleo ya baadae ya huduma/bidhaa na kinachohitajika sokoni.